Akuzat për videon e kokainës, SPAK i kërkon Allës të bëjë testin e drogës

Google+ Pinterest LinkedIn Tumblr +

Prokuroria e Posaçme po verifikon autenticitetin e videos ku pretendohet se kryebashkiaku i Bulqizës, Lefter Alla, konsumon kokainë.

Mësohet se në SPAK është depozituar edhe videoja origjinale.

Ekspertët e policisë shkencore në Minsitrinë e Brendshme, do të verifikojnë, nëse personi që shfaqet me shpinë, është apo jo Lefter Alla.

Gjithashtu prokurorët i kanë kërkuar Allës që të bëjë testin e drogës.

Kryebashkiaku duhet të paraqitet pranë Mjekësisë Ligjore, për të dorëzuar kampionët e gjakut dhe urinës.

Rezultatet e testit të drogës pritet të jenë vendimtare dhe mund të shtyjnë prokurorët të ngrenë akuzën ndaj kryebashkiakut.

Alla në një reagim në rrjetet sociale, është shprehur se ka qenë në dijeni të një video-montazhi, që një vit më parë.

Ndër të tjera ai është shprehur, se videoja është publikuar për t’i bërë shantazh.

Shpërndaje
Share.

Komento