Ditën e sotme kryeministri Edi Rama në fjalën e tij në Kuvend është ndalur tek akuzat për gjuhën e përdorur në seancën plenare.
Gjithashtu ai u shpreh se Parlamenti do të mbahet mend për degradimin e rëndë të gjuhës.
Drejtuar deputetes së PD-së , Jorida Tabaku , Rama tha se tashmë ankesat janë bërë trend, ndërsa shtoi se metafora e përdorur gjatë fjalës së tij është keqpërdorur dhe është kthyer në akuzë.
“Mbase do mbahen mend për ca kohë për degradimin e rëndë të gjuhës. Duke qenë se për këtë degradim u mor një zanafillë nga fjala ime e ndje për detyrë që të sqaroj edhe për opinionin publik se e zbardhur literalisht ajo që thashë fjala: “Pyet atë që ke në krah se ajo ti jep shifrat megjithëse ti jep si balonë tabakw.”, Është e paimagjinueshme teksa një metaforë kthehet dhe një akuzë pas saj vazhdon një lumë i tërë sharjesh deri edhe turrjesh për grushta duke turpëruar edhe parlamentin. Duke qenë se kjo nisi nga zonja Tabaku e cila bëri edhe një replikë ku metaforën time që kishte lidhje me shifrat “si balonë Tabake” gjë që e kthjellova duke thënë që është lloji i balonës dhe duke qenë se edhe më tutje Tabaku u ankua se kjo na qenka një trend. Unë kam ardhur këtu me një prej vendime të Gjykatës që ka të bëjë me zonjën Tabaku dhe e kam sjellë për të thënë se ka një ndryshim mes retorikës , oratorisë metaforave dhe mes sharjeve shpifjeve apo akuzave me sfond për individin. Janë ndryshime shumë të mëdha sepse ndryshe kthehemi në kohëra shumë të errëta”, tha Rama.
