Gjykata e Tiranës ka kthyer dosjen e administratorit të klubit FK Tirana, Refik Halili, në Prokurorinë e Tiranës, duke kërkuar hetime shtesë mbi akuzat për fshehje të të ardhurave.
Gjatë seancës paraprake, u konstatua se Prokuroria nuk kishte marrë parasysh një audit të thelluar të tatimeve, sipas të cilit klubi i Tiranës nuk ka asnjë detyrim financiar apo shkelje gjatë periudhës së hetuar. Për këtë arsye, gjyqtari kërkoi veprime të mëtejshme nga organi i akuzës.
