Partia Demokratike ka paraqitur ditën e sotme prova të reja, për të provuar akuzat ndaj kreut të Bashkisë së Vorës, Agim Kajmakut.
Në një deklaratë për mediat, Sekretari i Përgjthshëm i PD, Gazment Bardhi, ka publikuar numrin unik të pasaportës, e cila është e njëjtë me atë të autoriteteve greke, në momentin kur kanë ndaluar Jorgo Toton.
Sipas Bardhit Kajmaku ka gënjyer për amësinë dhe atësinë, duke qënë se nuk shënohen në pasaportë.
“Për këtë arsye të dhënat për amësinë dhe atësinë pasqyrohen ashtu siç deklarohen nga vetë i arrestuari. Jorgo Toto ka pasur më vetë pasaportën e tij dhe ka një numër unik. Në faqen 13 të vendimit të gjykatës greke thuhet se shtetas i arrestuar është shtetasi shqiptar Jorgo Toto që posedon pasaportën me një numër unik.“Kjo është një provë e pakontestueshme që Jorgo Toto i arrestuar në Greqi me pasaportën me nr. Z 0148497, është Jorgo Toto, që ju shikoni në foto, me pasaportën me nr. Z 0148497, dhe që sot mban emrin Agim Kajmaku. Kur një shtetas shqiptar pajiset me pasaportë të dhënat e tij hidhen e njherë në sistemit TIMS ne e disponojmë dhe provojmë në mënyrë të pakundërsueshmë se Jorgo Toto është Agim Kajmaku i dënuar në vitin 2003. Ka qenë posedues ekzaktësisht i pasaportës me të të njëjtin numër kjo është një provë e pakundërshtueshme”, u shpreh Bardhi.
Më tej, Sekretari i Përgjithshëm i PD, hodhi akuza edhe ndaj Prokurorisë, duke thënë se po bën lojë me gjurmët e gishtërnjve, pasi ndodhen në sistem.
“Prokuroria mund ta verifikojë brenda një minuti. Shenjat e gishtave të Kajmakut gjenden në sistem. Janë në sistem sepse eposedojnë një pasaportë biometrike”, shtoi Bardhi.
Sipas PD, Agim Kajmaku është ndaluar dhe arrestuar në vitin 2003 për falsifikim monedhash, ndërsa ka përdorur edhe identitetin e rremë, Jorgo Toto.
Në rast se akuzat e PD provohen nga Prokuroria, Kajmaku duhet të heqë dorë nga posti i tij, pasi preket nga ligji i dekriminalizimit.
