Ditën e sotme gjatë seancës plenare ish-kryeministri Sali Berisha ka vendosur theksin e diskutimeve të tij në përplasjet që ndodhen midis policisë dhe muxhahedinëve në Manëz të Durrësit.
Berisha gjatë fjalës së tij ka akuzuar qeverinë dhe Policinë e Shtetit se ata kanë vrarë një prej pjestarëve të kampit MEK, teksa u përplasën 2 ditë më parë. Ai shton se është ekzekutuar një “luftëtar lirie’ dhe se sot më shumë se kurrë ai e vendos veten në vendine muaxhehedinëve.
“Qeveria amorale e këtij vendi vrau në strehë të vet një luftëtarë lirie. Ndihem sot muxhahedin më shumë se kurrë sepse aktakuza e djeshme është historia më e turpshme për një vend. Aktakuza kishte elementë të poshtërimit të shqiptarëve, si vasalë të Iranit!”, tha Berisha.
Më herët kujtojmë se Ministria e Brendshme dhe Policia e Shtetit kanë deklaruar se nuk është përdorur dhunë ndaj asnjë prej anëtarëve, teksa kanë shtuar se vdekja e një prej anëtarëve të kampit, nuk ka ardhur si pasojë e përplasjeve.
Ndërkohë që duhet të theksojmë se ditën e djeshme ka reaguar edhe Ministria e jashtme e Iranit duke paralajmëruar Shqipërinë që t’i largojë sa më parë MEK, pasi ato janë organizatë terroriste dhe jo pa arsye janë dëbuar nga vendi i tyre.
