European Union Rule of Law Mission in Kosovo(EULEX), ka arrestuar ditën e sotme në Prishtinë, kreun e Organizatës së Veteranëve të luftës së UÇK-së, Hysni Gucatin.
Arrestimi është bërë në zyrat e OVL-UÇK-së, ndrkohë që bëhet me dije se do të dërgohet po sot në Hagë.
Lajmin për arrestimin e ka bërë të ditur nënkryetari i veteranëve të UÇK-së, Nasim Haradinaj.
Kujtojmë se ditën e djeshme u arrestua dhe ish-kreu i inteligjencës ushtarake të Forcave të Sigurisë së Kosovës (FSK), si dhe ish-epror i lartë i UÇK-së në zonën e Llapit gjatë luftës së Kosovës, Salih Mustafa.
Mediat kosovare prej disa ditësh kanë raportuar se misioni i EULEX në Kosovë, po zhvillon disa aksione në kuadër të Gjykatës Speciale, ku priten edhe disa arrestime./ GazetaReforma.com
