Një aksident i rëndë ndodhi paraditen e sotme në aksin rrugor Levan-Tepelenë. Një motor u përplas me një makinë. Si pasojë e këtij aksidenti ndërroi jetë drejtuesi i motorit, një 24-vjeçar.
Ka qënë drejtuesi i mjetit ai që ka qenë burimi i aksidentit, i cili është larguar edhe nga vendngjarja. Policia njofton se drejtuesi i mjetit tashmë është arrestuar.
“Për pasojë ka ndërruar jetë drejtuesi i motoçikletës, i cili u identifikua si shtetasi me iniciale F.T, 24 vjeç, nga Gorishova.”– njofton policia, duke shtuar se ka nisur hetimet për zbardhjen dhe dokumentimin e kësaj ngjarje.
Njoftimi i Policisë:
Kapet dhe arrestohet shtetasi i cili aksidentoi me pasojë vdekjen 24-vjeçarin në Kafaraj.
Në vijim të informacionit paraprak në lidhje me aksidentin në Kafaraj ku shtetasi K.Z duke drejtuar automjetin tip “Benz” është përplasur me motorçikletën e drejtuar nga shtetasi F.T, 24 vjeç, (i cili ndërroi jetë), shërbimet e policisë bënë kapjen e shtetasit K.Z i cili pas aksidentit u largua nga vendngjarja.
Specialistët e Sektorit të Qarkullimit Rrugor arrestuan në flagrancë shtetasin:
K.Z, 68 vjeç, banues në Peshtan, Fier.
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme proceduriale.
