Ekipi i vajzave të Skënderbeut në volejboll është aksidentuar këtë të shtunë në Qafë-Thanë, teksa po udhëtonte drejt Tiranës për të zhvilluar ndeshjen e dytë finale ndaj Tiranës.
Autobusi me të cilin lëviznin sportistet doli nga rruga dhe u përplas buzë një kanali. Si pasojë e aksidentit, disa prej volejbollisteve pësuan dëmtime të lehta dhe u transportuan në spital për ndihmë mjekësore. Një prej vajzave ka marrë goditje në hundë.
Për shkak të incidentit, ndeshja e parashikuar për sot është shtyrë për një datë të pacaktuar.
Konfirmimi zyrtar për shtyrjen e takimit pritet nga Federata Shqiptare e Volejbollit
