Një aksident tragjik ka ndodhur mëngjesin e ditës së sotme, në Bullgari.
Kryeministri i Maqedonisë së Veriut, Zoran Zaev është nisur për në Bullgari, menjëherë sapo mësoi lajmin e aksidentit të autobusit me turistë maqedonas.
Kryeministri Zaev, iu bëri thirrje ekspertëve të zbardhin shkaqet e aksidentit. Ai shtoi se të mbijetuarit kanë përjetuar një tmerr të vërtetë që iu ka lënë pasoja dhe kjo gjë reflektohet. Gjithashtu Zaev i shpreh mirënjohjen Bullgarisë për angazhimin në hetim si dhe për ndihmën e dhënë.
Sipas kryeministrit, shumica e qytetarëve janë nga Maqedonia e Veriut, por të ndarë në shumë nacionalitete, si dhe shtoi se një është qytetar nga Presheva e Serbisë.
“Shumica e viktimave janë nga Maqedonia e Veriut, më saktë nga Shkupi, por të nacionaliteteve të ndryshme. Gjithashtu në autobus ka qenë një shtetas nga Presheva dhe një nënshtetas belg.
Kërkoj nga ekspertët bullgarë të tregojnë shkaqet e aksidentit. Të mbijetuarit kanë përjetuar një tmerr të vërtetë dhe kjo reflektohet. I jam mirënjohës për angazhimin në hetim. I jemi mirënjohëse për ndihmën Bullgarisë”, tha Zaev.
Kujtojmë që aksidenti ka ndodhur në autostradën Struma rreth 45 kilometra në perëndim të Sofjes, në orët e para të mëngjesit të së martës. Ushtruesi i detyrës së Ministrit të Brendshëm, Stefan Yanev, është parë në vendin e ngjarjes.
Kryeministri maqedonas Zoran Zaev, zëvendëskryeministri Bujar Osmani dhe ministri i Shëndetësisë Venko Filipçe tashmë po udhëtojnë për në Bullgari, konfirmoi agjencia shtetërore maqedonase e lajmeve MIA.
