Një tragjedi e vërtetë ka ndodhur në orët e para të mëngjesit të sotëm në Bullgari, ku si pasojë e një aksidenti të një autobusi me turistë nga Maqedonia e Veriut kanë humbur jetën të gjithë personat e pranishëm në të.
Ndër viktimat është dhe një familje shqiptare, ku nga kjo familje, kanë humbur jetën 4 persona, prindërit dhe 2 fëmijët binjakë, përkatësisht Avni Ahmeti, i datëlindjes 1985, Xhihan Ahmeti, i datëlindjes 1986, Alban Ahmeti, i datëlindjes 2017 dhe Luan Ahmeti i datëlindjes 2017.
Nga Bullgaria kryeministri Zoran Zaev, bëri me dije se pothuajse të gjithë personat ishin nga Shkupi, por të nacionaliteteve të ndryshme, si dhe një qytetar nga presheva. Mediat në Maqedoni bëjnë me dije se në aksident është shuar një familje e tërë shqiptare.
Kujtojmë që tashmë është zbardhur lista e pasagjerëve që ndodheshin në autobusi i cili u përplas dhe mori flakë.
Në aksident ka humbur jetën edhe shoferi. 7 persona, 2 gra dhe 5 burra kanë shpëtuar dhe ndodhen në spital. Ministri i Jashtëm i Maqedonisë së Veriut, Bujar Osmani tha se autobusi po kthehej për në Shkup pas një udhëtimi nga Stambolli. Ndërkohë pas aksidentit, autostrada e Strumës do të qëndrojë e mbyllur gjatë gjithë ditës, të paktën në drejtimin Sofje-Balgoevgrad, në të cilin udhëtonte autobusi. Aktualisht vazhdojnë hetimet për zbulimin e shkaqeve të aksidentit dhe shpërthimit në flakë të autobusit. Mësohet se 7 persona janë dërguar në spital.
