Një aksident i rëndë ka ndodhur ditën e djeshme në Bullgari me pasoja tragjike. Ngjarja e rëndë ka ndodhur në orët e para të mëngjesit të së martës, ku si pasojë e flakëve që përfshinë autobusin, kanë humbur jetën 46 shqiptarë të Maqedonisë së Veriut dhe janë lënduar 7 të tjerë
Mediat maqedonase kanë publikuar video 3D e aksidentit të rëndë në Bullgari, që i mori jetën 46 pasagjerëve, shqiptarë të Maqedonisë.
Nga video është pak a shumë momenti sesi autobusi që u dogj duke shkaktuar 46 viktima mund të ketë devijuar rrugën duke u përplasur me pas me bordurat anësore të rrugës.
Ndërkohë qeveria e Maqedonisë së Veriut shpalli tre ditë zie në të gjithë territorin për shkak të tragjedisë së shkaktuar nga aksidenti i autobusit me qytetarë të Maqedonisë në Bullgari. Flamujt janë ulur në gjysmështizë.
Kryeministri Zoran Zaev njoftoi se ditë zie janë shpallur datat 23, 24 dhe 25 nëntor, ndërsa gjatë ditëve të zisë flamuri i Republikës së Maqedonisë së Veriut, si dhe përfaqësuesit diplomatik të vendit jashtë vendit, do të jetë në gjysmështizë.
24 nëntori u shpall ditë zie kombëtare dhe në Bullgari. Në Kosovë, presidentja Vjosa Osmani në mbështetje të legjislacionit në fuqi ka marrë vendim që të mërkurën (24 nëntor) të shpallet ditë zie shtetërore.
