Aksidenti që ndodhi mëngjesin e sotëm në aksin rrugor “Ersekë-Korçë” ka sjellë plagosjen e drejtuesit të automjetit, E.I., i cili është transportuar drejt spitalit të Traumës në Tiranë për trajtim më të specializuar.
Fillimisht, ai u dërgua në spitalin e Korçës, por më pas mjekët vendosën ta transferojnë për kujdes më të avancuar.
Ngjarja ndodhi në dalje të urës së Selenicës, kur makina humbi kontrollin dhe u përplas me barrierat anësore të betonit.
Për pasojë, u plagos edhe bashkëshortja e tij, pasagjerja Xh.I.
Policia vijon hetimet për të zbardhur shkaqet e aksidentit.
