Një aksidenti i tmerrshëm rrugor ka ndodhur në Shën e Premte në Fier, ku kanë mbetur të plagosur një 58-vjeçar dhe një 54-vjeçare.
Sipas policisë ka qenë një automjet ai ka përplasur karrocën e cila tërhiqej nga një gomar, ku ishin duke udhëtuar një çift, burrë e grua.
Çifti ishte duke u kthyer nga ara, pasi kishin punuar dhe ende nuk dihet se çfarë mund të ketë ndodhur ekzaktësisht. Mësohet se ka qenë po drejtuesi ai që ka shoqëruar I.N dhe F.N në spital dhe më pas është rikthyer në vendin e ngjarjes.
Policia ende është duke hetuar për shkaqet dhe për zbardhjen e plotë të ngjarjes.
Deklarata e Policisë:
Sot rreth orës 19:20, në fshatin Shën e Premte, Fier, shtetasi A.Ç duke drejtuar automjetin tip “Benz” është përplasur me një karrocë në të cilën ndodheshin shtetasit I.N, 58 vjeç dhe shtetasja F.N, 54 vjeçe.
Si pasojë e përplasjes, është aksidentuar shtetasi I.N dhe shtetasja F.N të cilët ndodhen në Spitalin Rajonal Fier nën kujdesin e mjekëve.
Grupi hetimor po punon për zbardhjen e plotë të kësaj ngjarje.
