Shefi i sektorit të Policisë Rrugore, Mitat Tola ka folur reth situatës së ditëve të fundit në rrugët e vendit, ku aksidente të shumta kanë ndodhur.
Në një inervistë në emisionin “Log” në Abc News, Tola tha se policia rrugore e ka detyrë të dalë për kontrolle në territor. Ai tha se ekspertët e policisë rrugore janë të mirëfilltë dhe kanë njohuri në këtë fushë. Tola us hpreh se policia del për të dhënë mesazhe sigurie për drejtuesit, por edhe për të ndëshkuar atë pjesë që duhet ndëshkuar.
“Drejtoria e Policisë Rrugore e ka pjesë të pandarë të punës kontrollin në territorin. E ka detyrë funksionale. Kjo jo për të treguar se policia del dhe ndëshkon, por del dhe ndihmon.Edhe ekspertë po qe se do ti referohemi kodin e procedurës penale. Ekspertët e policisë rrugore janë të mirëfilltë. Ekspertët që kanë njohuri të posaçme në fushë.
Drejtoria e policisë rrugore nisur nga ngjarja del për të dhënë mesazhe sigurie për përdoruesit e tjerë të rrugës. Për të ndëshkuar atë pjesë që kryen shkelje. Jemi për të ndëshkuar atë pjesë që duhet ndëshkuar”, tha Tola.
Ai komentoi edhe deklaratën e ministrit Bledit Çuçi i cili tha se policia nuk mund të ndjekë çdo mjet nga pas. Tola tha se janë mbi një milion mjetedhe vetëm 800 punonjës policie dhe se është jashtë mundësive që të monitorohet çdo centimetër.
“Policia është 24 orë në rrugë. Një nga detyrat e saj është parandalimi i aksidenteve. Parandalimin e kryen nëpërmjet ndëshkimit dhe edukimit. Dalja ime bën pjesë te edukimi. Policia rrugore në Shqipëri ka 800 punonjës, janë 1 milion mjete në Shqipëri. Kemi një numër të pamatë kilometrash. Është jashtë mundësive të çdo policie që të monitorojë çdo centimetër të rrjetet. Besoj se deklaratat e ministrit është që polici virtual duhet të jetë në sediljen e mjetit. Ka mangësira në bashkëpunim. Por policia rrugore bën pjesën maksimale në bashkëpunim. Kemi marrëveshje bashkëpunimi me ARRSH,” u shpreh ai.
