Një aksident i rëndë ka tronditur mëngjesin e djeshëm në aksin Elbasan-Peqin, në fshatin Paulesh, nënë dhe i biri humbën jetën.
55-vjeçarja Fatbardha Shahini dhe djali i saj, Klodian Shahini, po udhëtonin me një automjet tip “Mercedes Benz” kur u goditën nga një furgon i drejtuar nga 44-vjeçari Anesti Bufi.
Përplasja e fuqishme e shkatërroi makinën, duke i bllokuar brenda, pa mundësi shpëtimi. Fatkeqësisht, të dy humbën jetën në vend.
Gjithashtu tre të plagosurit në aksidentin e Pauleshit janë dërguar në Spitalin e Traumës për ndërhyrje të specializuar.
Kujtojmë se në aksident mbetën të plagosur 5 persona, ndërkohë me dëmtime të lehta u paraqiten edhe 9 të tjerë.
