Një ngjarje e rëndë ka ndodhur mbrëmjen e kësaj të diele ku shtatë persona kanë mbetur me lëndime trupore si shkak i një aksidenti trafiku në lagjen “Kodra e Trimave” në Prishtinë, përgjatë orës 19:00.
Lajmin e ka bërë të ditur zëdhënësja e Policisë për rajonin e Prishtinës, Flora Ahmeti, shkruan ‘Gazeta Express’.
Shërbimet e emergjencës dhe forcat e policisë kanë mbërritur menjëherë në vendin e ngjarjes ku kanë bërë të mundur dhe transportimin e të lënduarve në ambientet e spitalit ku dhe po marin trajtimin e specializuar mjekësor. Njësia rajonale e trafikut ka dalë në vendin e ngjarjes dhe është nisur një hetim për zbardhjen e shkaqeve që kanë sjellë deri te ky aksident duke lënë të lënduar shtatë persona.
Statusi i plotë:
“Sot rreth orës 19:00, në lagjen Kodra e Trimave në Prishtinë, ka ndodhur një aksident trafiku, ku kanë qenë të përfshira dy automjete në lëvizje. Bazuar në të dhënat fillestare, si pasojë e këtij aksidenti lëndime trupore kanë pësuar 7 persona dhe të njëjtit janë dërguar për trajtimin e nevojshëm mjekësor”, deklaroi ajo.
Njësia rajonale e trafikut ka dalë në vendin e ngjarjes dhe është nisur një hetim për zbardhjen e shkaqeve që kanë sjellë deri te ky aksident.
