Sot rreth orës 12.50 ka ndodhur një aksident i rëndë që fatmirësisht ska pasur njerëz të dëmtuar.
Aksidenti ka ndodhur në qytetin e Shkodrës ku një makinë ka ardhur me shpejtësi nga qendra e qytetit në drejtim të poliklinikës.
Në një parking aty afër një mjet tjetër ka qenë duke dalë.
Ka qënë pikërisht kjo përplasje që ka bërë, që mjeti tip “Volkswagen” me ngjyrë të bardhë të fluturojë në ajër dhe të përfundojë disa metra më tutje.
Sipas të dhënave si pasojë e aksidentit fatmirësisht nuk ka asnjë të dëmtuar, personi që drejtonte makinën tip “Volkswagen” ka pësuar disa plagë të lehta dhe për këtë arsye është dërguar në spitalin rajonal të Shkodrës teksa ka marrë ndihmën e stafit mjekësor dhe nuk ka asnjë rrezik për jetën.
Sipas burimeve të Balkanweb, në vendngjarje ka mbërritur menjëherë policia vendore e Shkodrës duke nisur hetimet për këtë aksident të ndodhur.
Policia gjithashtu ka kryer veprimet procedurale e hetimore në vendin e ngjarjes. Dyshohet se shkak për aksidentin ka qenë shpejtësia tej normave.
Ky aksident mund të kishte qënë dhe më fatal duke u nisur dhe nga fakti që ai aks në atë orë është tejet i frekuentueshëm nga lëvizja e këmbësorëve, por ka kaluar pa pasoja.
