Një aksident i frikshëm ka ndodhur në rrugën që shkon drejt Kishës së Laçit, ku një automjet tip Porsche, i drejtuar nga shtetasi E.Ç, ka dalë nga rruga dhe ka përfunduar pranë një ndërtesë.
Si pasojë e aksidentit, drejtuesi i automjetit dhe pasagjerja, shtetasja angleze D.S, 26 vjeçe, kanë pësuar dëmtime dhe janë dërguar për ndihmë mjekësore në Spitalin e Traumës. Fatmirësisht, ata ndodhen jashtë rrezikut për jetën.
Policia ka mbërritur në vendngjarje dhe po heton për të zbardhur shkaqet e aksidentit.
