Një aksident rrugor i ndodhur mbrëmjen e djeshme në rrugën “Dhimitër Konomi”, në zonën e njohur si “Palazina” në Vlorë, është shoqëruar edhe me një konflikt fizik mes të përfshirëve.
Sipas policisë, një taksi u përplas me një biçikletë, duke shkaktuar plagosjen e biçiklistit, një shtetas amerikan me inicialet A.S. (Alex Shower), rreth 30 vjeç. Drejtuesi i taksisë është identifikuar si Adriatik Lame. Pas aksidentit, i riu u dërgua në spital, ku mori ndihmën mjekësore dhe më pas është larguar në gjendje të stabilizuar.
Pas përplasjes, palët janë përfshirë në një konflikt fizik, me grushte dhe shkelma.
Policia ndërhyri menjëherë në vendngjarje dhe shoqëroi disa persona në Komisariatin e Vlorës për sqarime. Deri
më tani nuk raportohet për dëmtime serioze si pasojë e sherrit. Rrethanat e aksidentit dhe konfliktit po hetohen.
“Më datë 15.07.2025, rreth orës 21:10, në rrugën “Dhimitër Konomi”, në vendin e quajtur Palazinë, ka ndodhur një aksident rrugor mes një automjeti dhe një biçiklete.
Në aksident është përfshirë mjeti me targë AE840T, i drejtuar nga shtetasi Adriatik Lame, lindur më 10.05.1967, si dhe shtetasi amerikan Alex Shower, rreth 30 vjeç, i cili po drejtonte një biçikletë.
Shtetasi amerikan u transportua me urgjencë nga ambulanca drejt Spitalit Rajonal Vlorë për ndihmë mjekësore. Pas marrjes së trajtimit, ai është larguar nga spitali jashtë rrezikut për jetën.
Në vendngjarje janë kryer veprimet procedurale nga Oficerët e Policisë Gjyqësore.
Sipas të dhënave paraprake, testi i alkoolit për drejtuesin e automjetit rezultoi negativ: 0.000 mg/”, njoftoi sot policia.
