Një aksident ka ndodhur ditën e sotme në Tiranë rreth orës 14:44. Ngjarja ka ndodhur në rrugën “5 Maji” në kryeqytet, ku shtetasi me iniciale E. T., 26 vjeç, ka humbur kontrollin e motorit të tij dhe është përplasur me një mjet të policisë që kishte drejtues punonjësin e policisë R. T., 30 vjeç.
Si pasojë e përplasjes që ka ndodhur kanë mbetur të dëmtuar drejtuesit e dy mjeteve dhe pasagjeri që ishte në motor. Të plagosurit janë dërguar në spital dhe fatmirësisht janë jashtë rrezikut për jetën. Policia nuk e ka bërë me dije ende se cili ka qenë ka shkaku i aksidentit. Ndërkohë, grupi hetimor ndodhet në vendin e ngjarjes dhe është duke punuar për sqarimin e plotë të rrethanave të aksidentit.
Njoftimi i plotë i Policisë së Shtetit:
Tiranë/ Informacion paraprak
Më datë 24.08.2021, rreth orës 14:44, në rrugën “5 Maji”, shtetasi E. T., 26 vjeç duke drejtuar motomjetin ka humbur kontrollin e tij, dhe ka dëmtuar mjetin e policisë me drejtues punonjësin e policisë R. T., 30 vjeç. Si pasojë janë dëmtuar të dy drejtuesit e mjeteve dhe pasagjeri në motomjet, të cilët u dërguan në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
