Aksidentet rrugore janë duke u shpeshtuar dhe mbrëmjen e sotme është lajmëruar se një tjetër përplasje ka ndodhur. Këtë herë aksidenti ka ndodhur në aksin rrugor Lezhë-Milot në zonën e quajtur Ishull Lezhë.
Nga informatat e para mësohet se një mjet tip, Benz i drejtuar nga një 60-vjeçar ka përplasur një këmbësore, 58-vjeçaren Gj.Ll, e cila është në gjendje të rëndë dhe është dërguar me urgjencë për në spitalin e qytetit.
Gj.Ll ka qenë duke kaluar rrugën nga njëra anë në tjetrën, në momentin që mjeti ka kaluar dhe e ka përplasur.
Policia ka mbërritur në vendngjarje dhe ka arrestuar drejtuesin e mjetit, ndërkohë që është duke hetuar më tej për fajtorin e këtij aksidenti.
Nuk janë të pakta rastet kur shumë këmbësorë kanë mbetur të plagosur ose kanë ndërruar jetë për shkak se janë përplasur nga makinat në kohën që kanë qenë duke kaluar rrugën nga njëra anë në tjetrën.
