Një aksident ka ndodhur sot në kryeqytet ku një fëmijë i vogël me iniciale A.Gj, 6 vjeç është përplasur me motor sot në orën 10:30 në Rrugën e Kavajës. Sipas njoftimit të policisë fëmija është dërguar menjëherë në spital dhe ndodhet nën kujdesin e mjekëve. Drejtuesi i mjetit, 34-vjeçari me iniciale M.O ndodhet në vendngjarje.
Tiranë/Informacion paraprak
Më datë 15.07.2020, rreth orës 10:30, në rrugën e “Kavajës” motori me drejtues shtetasin M.O., 34 vjeç, ka aksidentuar fëmijën me iniciale A.Gj, 6 vjeç, i cili u dërgua menjëherë në spital, dhe ndodhet nën kujdesin e mjekëve. Drejtuesi i motorit ndodhet në vendngjarje.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
