Një aksident i rëndë ka ndodhur në aksin nacional Berat-Lushnje, në fshatin Moravë, ku një automjet tip Toyota ka përfunduar në kanal pasi i është prerë rruga nga një makinë tjetër me targa gjermane. Në automjetin Toyota udhëtonte familja Berberi, përkatësisht Ëngjëll Berbero, bashkëshortja e tij dhe dy fëmijët e tyre, të moshës 14 dhe 9 vjeç.
Pas aksidentit, të katërt u dërguan me urgjencë në Spitalin Rajonal të Beratit, ku po marrin trajtim mjekësor. Mjekët konfirmojnë se ata janë jashtë rrezikut për jetën, por kanë pësuar shembje në pjesë të ndryshme të trupit.
Drejtuesi i mjetit që shkaktoi aksidentin, shtetasi Brahim Agalliu, është shoqëruar nga policia për të dhënë deklarimet lidhur me ngjarjen. Testi Drager konfirmoi se ai nuk kishte prezencë alkooli në gjak. Në vendngjarje kanë mbërritur efektivë të shumtë të policisë rrugore për të kryer këqyrjen dhe hetimet e mëtejshme.
