Një 24-vjeçar ka humbur jetën këtë pasdite në Prrenjas, pasi është përplasur nga një makinë. Drejtuesi i mjetit A.H., 28 vjeç, humbi drejtimin e makinës tip ‘Audi’ duke dalë nga rruga dhe përplasi 24-vjeçarin Marsel Kukli, i cili po ecte në trotuar. Përplasja ka qenë fatale për të riun, i cili ka humbur jetën në vendngjarje.
Drejtuesi i mjetit është larguar nga vendi i ngjarjes , por është kapur pak minuta më vonë nga policia.
Prrenjas/Informacion paraprak
Në aksin rrugor Prrënjas-Librazhd, shtetasi A.H., 28 vjeç, banues në Prrënjes, duke drejtuar mjetin tip Audi ka aksidentuar këmbësorin shtetasin M.K., 25 vjeç, banues në Prrenjas dhe për pasojë ka ndërruar jetë.
Drejtuesi i mjetit është larguar nga vendi i ngjarjes dhe pas venies në ndjekje nga Policia është kapur dhe shoqëruar në ambientet e Policisë për veprimet e mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit
