Një makinë ka dalë nga rruga mëngjesin e sotëm, në aksin Librazhd-Prrenjas.
Ngjarja ka ndodhur në fshatin Pishkash, në përroin e quajtur ‘Lingajca’.
Makina që drejtohej nga shtetasi Hysen Skordhja është fundosur në ujë, ndërsa në makinë gjendej bashkë me nusen e djalit, Marjana Iljasllari. Ka qenë vjehrri që ka thyer xhamin e makinës, që ka bërë të mundur daljen e të dyve nga mjeti.
Ata gjenden në spitalin e Prrenjasit dhe jashtë rrezikut për jetën. Pas këtij aksidenti të frikshëm, shoferi ka thënë për mediet se me zor kanë dalë nga makina. “Po vija nga Tirana, te kjo kthesa më rrëshkiti makina dhe rashë në ujë. Shpëtova se dola isha vetë i dyti. Me zor nxora personin që kisha me vete”, ka treguar ai.
Ndërsa nusja e djalit të tij thotë se policia u vonua dhe se është tmerruar nga ajo që ka ndodhur. “Nuk kam fjalë për me fol. Jam e tmerruar. Policia e Shtetit erdhi pas një sahati, na lanë aty në rrugë. Tmerrin që kam parë sot se kam parë ndonjëherë në jetën time. Ke i shpëtuar të dy për fije të flokut”, është shprehur.
/GazetaReforma.com/
