Një aksident është regjistruar këtë pasdite në fshatin Kamçisht në Lushnje. Mësohet se aksidenti ka ndodhur pasditen e sotme rreth orës 17:00. Sipas njoftimit të policisë, dy të rinj , ishin duke udhëtuar me një motor, kur drejtuesi, shtetasi me inicialet K. LL. 22 vjeç, ka humbur kontrollin e mjetit dhe për pasojë është rrëzuar. Gjithashtu mësohet se është dëmtuar edhe pasagjeri i, 24-vjeçari shtetasi me inicialet R. S banues në Gjazë.
24-vjeçari i dëmtuar në aksident mësohet se është dërguar në spital dhe po kurohet për plagët e marra, ai ndodhet jashtë rrezikut për jetën.
Mësohet se drejtuesi i motorit është shoqëruar në komisariat, ku dhe po kryhen veprimet procedurale. Gjithashtu në vendin e ngjarjes ndodhet edhe grupi hetimor i cili po punon për zbardhjen e plotë të rrethanave në të cilën ka ndodhur ngjarja.
Njoftimi i Policisë:
Lushnjë
Informacion paraprak
Sot rreth orës 17:00, në fshatin Kamçisht, shtetasi K. Ll., 22 vjeç, banues në Zhym, duke drejtuar motomjetin tip “Dayang” ka dalë nga rruga dhe për pasojë është dëmtuar pasagjeri në motomjet, shtetasi R. S., 24 vjeç, banues në Gjazë, i cili ndodhet në spital nën kujdesin e mjekëve.
Eshtë shoqëruar në Komisariat drejtuesi i motomjetit dhe po kryhen veprimet procedurale.
Grupi hetimor po punon për zbardhjen e plotë të ngjarjes.
