Një aksident ka ndodhur mëngjesin e kësaj të mërkure në autostradën Fier-Lushnje, në vendin e quajtur ‘Kryqëzimi i Savrës’. Një motoçikletë duke udhëtuar në drejtim të Lushnjes, ka përplasur një kalimtare. Kjo e fundit ishte duke dalë në autostradë për të shkuar tek hapësira ku qëndrojnë zakonisht udhëtarët, ndërsa është goditur nga motoçikleta. Si pasojë e kësaj përplasjeje, kanë mbetur të lënduar kalimtarja, por edhe drejtuesi motoçikletës, shtetasi Riza Çela banues në Ngurrëz. Dy të lënduarit ndodhen në spitalin e Lushnjes, ku po marin ndihmë mjekësore. Shpesh herë banorët e Savrës në Lushnje kane ngritur zërin për eliminimin e barrierave anësore të hekurit në vendin ku ndodhi ngjarja e kësaj të mërkure, pasi sipas tyre përbën një burim aksidenti. Por pavarësisht ankesave të tyre, deri tani asnjë masë nuk është marrë.
Lajmi në përditësim…
