Një i ri ka humbur kontrollin e makinës dhe për pasoj është përplasur me karburantin. I riu është përplasur me makinën “Volkswagen” në aksin rrugor Lezhë-Milot duke përfunduar në një pikë karburanti. Burime nga vendi i ngjarjes bëjnë me dije se për pasoj janë plagosur dy persona, ku njëri prej tyre është në gjendje më të rëndë.
Burime nga policia bëjnë me dije se janë dërguar në spitalin rajonal të Lezhës drejtuesi i mjetit D.N, 20 vjeç, si dhe pasagjeri A.P.,17 vjeç, banues në Lezhë.
Nga fotot vihet re se makina ka pësuar dëme të mëdha në pjesën e përparme si pasojë e përplasjes. Gjithashtu në vendin e ngjarjes kanë mbërritur policia dhe ambulanca. Gjithashtu grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Njoftimi i plotë
Rreth orës 09:10, në aksin rrugor Milot-Lezhë, në Ishull Lezhë, mjeti tip “Volksëagen ” me drejtues shtetasin D.N.,20 vjeç, ka humbur kontrollin duke u përplasur me barrierat mbrojtëse të një karburanti.
Si pasojë e përplasjes kanë marrë dëmtime dhe janë dërguar në spitalin Rajonal Lezhë drejtuesi i mjetit shtetasi D.N., dhe pasagjeri shtetasi A.P.,17 vjeç, banues në Lezhë.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.
