Një aksident ka ndodhur ditën e sotme në aksin Këlcyrë-Ballaban, në afërsi të fshatit Bedyqas ku një mjet ka dalë nga rruga dhe për pasojë ka marrë lëndime pasagjeri. Sipas informacioeneve të marra nga uniformat blu, bëhet me dije se një automjet me drejtues 37-vjeçarin A.B., ka dalë nga rruga dhe ka mbetur I plagosur 62-vjeçari A.B., babai i 37-vjeçarit.
Autoritetet e Policisë kishin marrë një telefonatë ku ishin informuar se kishte ndodhur një aksident dhe menjëherë janë nisur për në vendin e ngjarjes së bashku dhe me forcat e tjera të emergjencës. Aktualisht 62-vjeçari është transportuar në spitalin e Gjirokastrës ku edhe po merr trajtim mjekësor. Sakaq policia po heton për përcaktimin e shkaqeve të aksidentit.
Këlcyrë/Informacion paraprak.
Në datën 10.10.2021, rreth orës 15:00, në Sallën Operative ka ardhur një telefonatë se në aksin rrugor Këlcyrë-Ballaban, në afërsi të fshatit Bedyqas, automjeti tip “Mitsubishi”, me drejtues shtetasin A. B., 37 vjeç, banues në Tiranë, ka dal nga rruga.
Për pasojë është dëmtuar pasagjeri (babai i drejtuesit të mjetit), shtetasi A. B., 62 vjeç, banues në Tiranë, i cili është transportuar për në spitalin Rajonal Gjirokastër.
Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.
