Një aksident i rëndë me pasojë plagosen e 4 personave ka ndodhur në hyrje të tunelit të Murrizit. Një furgon i transportit publik i cili po udhëtonte nga Peshkopia në drejtim të Tiranës është kthyer përmbys.
Mësohet se ngjarja ka ndodhur rreth orës 14:00 të kësaj të marte, teksa furgoni me pasagjer ka qenë duke hyrë në “bypass-in” e Murrizit, kur ka dalë nga rruga dhe është përmbysur në hyrje të tunelit.
Katër persona kanë mbetur të plagosur nga ky aksident ku kanë marrë ndihmën e parë në qendrën shëndetësore të Klosit.
