Një ngjarje e rëndë është regjistruar mëngjesin e ditës së sotme në aksin rrugor Elbasan-Bradashesh ku janë përplasur një mjet tip “Toyota” me një motoçikletë.
Ka mbetur i plagosur drejtuesi i motoçikletës me iniciale N.XH, 61-vjeç banues në fshatin Broshkë, Elbasan.
Aksidenti ndodhi ditën e sotme rreth orës 08:00, në fshatin Katundi i Ri. Sipas informacioneve zyrtare të marra nga policia bëhet me dije se mjeti tip “Toyota”, me drejtues shtetasin me inicialet A.N., 32 vjeç, banues në Tiranë, është përplasur me një motoçikletë me drejtues shtetasin N.Xh., 61 vjeç, banues në fshatin Broshkë, Elbasan.
Si pasojë e aksidentit është dëmtuar drejtuesi i motoçikletës dhe ndodhet jashtë rrezikut për jetën. Ky i fundit ishte nisur drejt Elbasanit, për të shitur si çdo ditë produkte bulmeti, ndërkohë që është përfshirë në aksident.
Forcat e Policisë së bashku me autoritetet e tjera të emergjencës kanë mbërritur menjeherë në vendin e ngjarjes nga ku kanë bërë të mundur dhe transportimin e të plagosurit 61-vjeçar në ambientet e spitalit për të marrë trajtimin e duhur mjekësor.
Grupi hetimor ndodhet në vendngjarje dhe po punon për zbardhjen e plotë të shkakut të aksidentit.
Elbasan/ Informacion paraprak
Më datë 04.10.2021, rreth orës 08:00, në aksin rrugor Elbasan-Bradashesh, në fshatin Katundi i Ri, mjeti tip “Toyota”, me drejtues shtetasin A.N., 32 vjeç, banues në Tiranë , është përplasur me një motoçikletë me drejtues shtetasin N.Xh., 61 vjeç, banues në fshatin Broshkë, Elbasan.
Si pasojë e aksidentit është dëmtuar drejtuesi i motoçikletës dhe ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
