Një aksident i rëndë ka ndodhur gjatë mbrëmjes së sotme në Durrës, ku raportohet për një viktimë. Ngjarja ka ndodhur rreth orës 21:35, në lagjen nr.15, ku mjeti me drejtues shtetasin T.M., 49 vjeç, ka aksidentuar një këmbësore rreth 71-vjeçe. Kjo e fundit si pasojë e përplasjes ka ndërruar jetë.
Drejtuesi i mjetit është shoqëruar për në ambientet e Policisë për veprime të mëtejshme. Grupi hetimor po punon për zbardhjen e rrethanave të aksidentit.
Njoftimi i plotë i Policisë së Shtetit:
Durrës/Informacion paraprak.
Më datë 08.08.2021, në orën 21:35, në lagjen nr.15, Durrës, një mjet me drejtues shtetasin T. M., 49 vjeç, ka aksidentuar këmbësoren shtetasen N. M., rreth 72 vjeçe, e cila si pasojë e përplasjes ka ndërruar jetë.
Drejtuesi i mjetit është shoqëruar në ambientet e Policisë për veprime të mëtejshme.
Grupi hetimor po punon për zbardhjen e rrethanave të aksidentit.
Gjatë mbrëmjes së sotme një tjetër aksident ndodhi në Lushnjë, ku një makinë u përfshi nga flakët në ecje e sipër dhe për këtë arsye doli nga rruga. Si pasojë u plagosën 6 persona, dy prej të cilëve janë në gjendje të rëndë dhe janë dërguar në Spitalin e Traumës në kryeqytet. Dy nga të plagosurit janë drejtuesi i mjetit dhe djali i tij 17 vjeç.
