Një aksident i rëndë ka ndodhur këtë të mërkurë mes dy lagjeve të qytetit të Bulqizës.
Një automjet tip benz, ipo lëvizte me shpejtësi të madhe, ka dalë nga rruga, duke thyer dy pemë dhe dëmtuar një shtyllë ndriçimi.
Si pasojë e goditjes së pemës, një grua që po ecte në trotuar ka mbetur e plagosur.
Automjeti, ka humbur kontrollin dhe ka goditur fillimisht pemët, më pas shtyllën elektrike, dhe përfundoi në kanalin që mbledh ujërat e bardha të dy lagjeve.
Në aksident është plagosur gjithashtu drejtuesi i automjetit, i cili është dërguar në spital, por ndodhet jashtë rrezikut për jetën.
Po ashtu, gruaja e dëmtuar nga goditja e pemës është jashtë rrezikut për jetën, sipas burimeve nga spitali i Bulqizës.
