Një aksident ka ndodhur mbrëmjen e sotme në autostradën Fier-Vlorë. Ngjarja ka ndodhur rreth orës 19:45, në vendin e quajtur “Ura e Mifolit”. Policia ka bërë me dije se një mjet tip “Benz”, me drejtues shtetasin D. S, është perplasur me një tjetër mjetin tip “Kama”, ndërsa nuk dihet ende cili ka qenë shkaku i aksidentit.
Si pasojë e përplasjes ka mbetur i dëmtuar drejuesi i automjetit tip “Kama” dhe po ashtu janë dëmtuar edhe dy pasagjerët që ishin në të. Ata janë dërguar për mjekim në spitalin e Vlorës. Detaje të mëtejshme për gjendjen e personave që kanë mbetur të plagosur nuk janë bërë të ditura.
Ndërkohë, në vendin e ngjarjes ndodhet grupi hetimor që është duke punuar për zbardhjen e plotë të rrethanave të aksidentit.
Njoftimi i i plotë i Policisë së Shtetit:
Vlorë/Informacion paraprak
Rreth orës 19:45, në autostradën Fier-Vlorë, në vendin e quajtur “Ura e Miflolit”, një mjet tip “Benz”, me drejtues shtetasin D. S, është perplasur me një tjetër mjetin tip “Kama”.
Si pasojë e përplasjes është dëmtuar drejtuesi i automjetit Kama dhe 2 pasagjerët në të, të cilët janë dërguar në spitalin e Vlorës.
Grupi hetimor ndodhet në vendngjarje dhe po punon për zbardhjen e rrethanave të aksidentit.
