Një aksident ka ndodhur pasditen e sotme në aksin nacional Tepelenë-Gjirokastër, në vendin e quajtur “Shkalla e Zezë”. Policia njofton se automjeti tip Peugeot, me drejtues shtetasin R. K., ka dal nga rruga dhe ka përfunduar disa metra poshtë rrugës.
Si pasojë e aksidentit ka mbetur i dëmtuar drejtuesi i mjetit dhe pasagjerët J. T., 56 vjeç, banues në Greqi dhe S. C., rreth 50 vjeç, banues në Tepelenë. Ata janë dërguar në në spitalin Rajonal Gjirokastër, ku po marrin ndihmën e nevojshme mjekësore.
Ndërkohë, grupi hetimor është duke punuar për zbardhjen e rrethanave dhe shkaqeve në të cilat ndodhi aksidenti.
Njoftimi i policisë:
Tepelenë/ Informacion paraprak.
Rreth orës 17:10, njoftohemi se në aksin nacional Tepelenë-Gjirokastër, në vendin e quajtur “Shkalla e Zezë”, automjeti tip Peugeot, me drejtues shtetasin R. K., ka dal nga rruga dhe ka përfunduar disa metra poshtë rrugës.
Për pasojë janë dëmtuar drejtuesi i automjetit shtetasi R. K., rreth 35 vjeç, banues në Skrapar, pasagjerët, shtetasit J. T., 56 vjeç, banues në Greqi dhe S. C., rreth 50 vjeç, banues në Tepelenë, të cilët po marrin ndihmën mjekësore në spitalin Rajonal Gjirokastër.
Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.
