Një aksident i rëndë rrugor ka ndodhur pasditen e së enjtes në aksin kombëtar Prrenjas–Librazhd, pranë fshatit Qukës.
Nga përplasja e mjeteve, katër persona të së njëjtës familje kanë mbetur të plagosur, ndërsa një prej tyre ndodhet në gjendje të rëndë për jetën.
Menjëherë pas njoftimit, drejt vendit të ngjarjes kanë mbërritur autoambulancat e spitaleve të Librazhdit dhe Prrenjasit, të cilat u kanë dhënë ndihmën e parë të lënduarve dhe kanë bërë transportimin e tyre drejt qendrave spitalore për mjekim të specializuar.
