Një aksident i rëndë rrugor ka ndodhur në orët e para të mëngjesit të sotëm në aksin rrugor Lushnjë-Berat, pranë fshatit Çiflig.
Sipas korrespondentit të Top Channel, Bledi Korreshi, një 23-vjeçar humbi kontrollin e mjetit dhe doli nga rruga.
I riu u transportua fillimisht në spitalin e Lushnjës, ku mori ndihmën e parë, pastaj u nis drejt spitalit të Traumës në Tiranë.
Mjeti që ai drejtonte ishte marrë me qira, dhe dalja nga rruga ndodhi në një rrethrrotullim, duke shkatërruar edhe mbrojtësen anësore metalike të rrugës.
Nuk janë zbardhur ende shkaqet e vërteta të aksidentit, por policia po punon dokumentin e plotë të rastit.
