Një tjetër aksident i rëndë është regjistruar në vendin tonë gjatë ditës së sotme, këtë herë në aksin rrugor Elbasan-Librazhd, në vendin e quajtur “Kthesa e Murrashit”. Mësohet se mjeti tip furgon ka humbur kontrollin dhe është përmbysur në rrugë.
Siç shikohet edhe nga foto e siguruar nga vendi i ngjarjes një mjet tip furgon, raportohet se si pasojë e shpejtësisë dhe lagështirës, ka humbur kontrollin edhe është përmbysur në mes të rrugës.
Si pasojë e aksidentit është bllokuar njëri krah i rrugës, duke bërë që të ketë edhe një trafik i madh, ndërsa policia ka shkuar në vendin e ngjarjes për kryerjen e veprimeve hetimore dhe zbardhjen e shkaqeve që çuan në këtë aksident. Ndërkohë burime bëjnë me dije se shoferi i automjetit të aksidentuar është nisur për marrjen e ndihmës së nevojshme mjekësore në Spitalin e Librazhdit, gjithashtu mësohet se ai është jashtë rrezikut për jetën.
Sjellim në vëmendje se një aksident i rëndë u regjistrua ditën e sotme ku për pasoj humbi jetën 30-vjeçari Ledian Lami. I riu humbi jetën pasi një minibus doli nga rruga dhe përfundoi në një përrua në afërsi të fshatit Bregas. Të plagosur në aksidentin e rëndë mbetën gjithashtu edhe 9 persona të tjerë. Mësohet se të plagosurit janë nxjerrë nga shërbimet e Policisë dhe zjarrfikësit nga vendi ku u përmbys minibusi dhe janë transportuar me autoambulanca për ndihmë mjekësore.
