Një aksident i rëndë ka ndodhur gjatë ditës së sotme në Devoll, ku një person ka humbur jetën. Ngjarja është shënuar rreth orës 18:30 në aksin rrugor Bilisht-Korçë, në afërsi të fshatit Cangonj. Shtetasi A.K., 30 vjeç, duke drejtuar mjetin tip “Benz”, ka aksidentuar drejtuesin e një motoçiklete. Ky i fundit nuk ka mundur t’u mbijetojë plagëve të marra dhe si pasojë ka ndërruar jetë.
Ende mbetet i paidentifikuar personi që humbi jetën, ndërsa me drejtuesin e mjetit janë duke u kryer veprimet e mëtejshme procedurale. Paraprakisht dyshohet se shkak për aksidentin është bërë shpejtësia e lartë me të cilën i riu ishte duke drejtuar mjetin.
Grupi hetimor është duke punuar për të identifikuar viktimën dhe për të zbardhur rrethanat në të cilat ngjarja ndodhi.
Njoftimi i plotë i Policisë së Shtetit:
Devoll/Informacion paraprak
Më datë 24.08.2021, rreth orës 18:30, jemi njoftuar se në aksin rrugor Bilisht-Korçë, në afërsi të fshatit Cangonj, shtetasi A. K., 30 vjeç, duke drejtuar mjetin tip “Benz”, ka aksidentuar drejtuesin e një motoçiklete (ende i paidentifikuar) i cili për pasojë ka ndërruar jetë.
Me drejtuesin e mjetit, shtetasin A. K., po kryhen veprimet e mëtejshme procedurale.
Grupi hetimor po punon për identifikimin e viktimës dhe zbardhjen e rrethanave të aksidentit.
