Një aksident fatal ka ndodhur ditën e mërkurë në aksin rrugor “Elbasan-Peqin”, ku një këmbësor ka humbur jetën.
Specialistët e Qarkullimit Rrugor kanë arrestuar në flagrancë shtetasin Xh. P., 23 vjeç, i cili drejtonte automjetin që shkaktoi aksidentin.
Viktima, shtetasi Rr. Gj., 69 vjeç, u përplas ndërsa lëvizte në këmbë dhe, pavarësisht ndërhyrjes mjekësore, humbi jetën në spital si pasojë e plagëve të marra.
Policia ka nisur hetimet për të zbardhur rrethanat e ngjarjes dhe për të përcaktuar përgjegjësinë ligjore të shoferit.
