Një aksident ka ndodhur në fshatin Zvezdë, në Maliq, ku si pasojë një grua ka mbetur e plagosur rëndë.
R.XH., 40-vjeç, është përplasur nga një makinë tip ‘Benz’, teksa ka qenë duke kaluar rrugën.
Automjeti drejtohej nga shtetasi I.H., banues në Elbasan, i cili është shoqëruar në Komisariat, ndërsa 40-vjeçarja është dërguar me urgjencë në spitalin e Korçës, ku ndodhet në gjendje të rëndë shëndetësore.
Nga ana tjetër, policia dhe grupi hetimor po punojnë për zbardhjen e plotë të ngjarjes.
Kujtojmë se, nga të dhënat e Qendrës Kombëtare të Urgjencës në të gjithë Shqipërinë janë regjistruar plot 506 aksidente rrugore vetëm në janar të këtij viti.
Edhe në këtë fillim muaji aksidentet kanë të shumta, sidomos pas përkeqësimit të motit, ku lagështira dhe reshjet e dëborës shkaktuan shumë probleme.
