Një ngjarje e rëndë është regjistruar mbrëmjen e kësaj të diele ku një aksident i trefishtë ka ndodhur në aksin e vjetër Thumanë-Fushë Krujë. Sipas informacioneve të marra mësohet se ka qenë një mjet tip ‘BMË’ e drejtuar nga 22-vjeçari Andi Mirdita që me shpejtësi të lartë ka kryer një parakalim të gabuar. Ai ka përplasur dy mjete të tjera, Benz-in e drejtuar nga 61-vjeçarin Bashkim Qira dhe ‘Volksëageni’ i drejtuar nga Kristina Allko.
Shërbimet e emergjencës së bashku me forcat e policisë kanë mbërritur menjëherë në vendin e ngjarjes ku dhe dy shoferët e tjerë të mjeteve të përfshira në aksident janë dërguar në spitalin e Traumës në Tiranë ku po marrin trajtimin spitalor që atyre iu nevojitet teksa mësohet se janë jashtë rrezikut për jetën kurse shoferja tjetër është në vendngjarje.
Grupi hetimor ndodhet në vendngjarje dhe po punon për zbardhjen e rrethanave të plota të shkaktimit të aksidentit.
NJOFTIMI NGA POLICIA
Krujë/Informacion paraprak
Më datë 19.09.2021, rreth orës 18:00, në Thumanë, janë përplasur 3 mjete. Si pasojë e përplasjes janë lënduar shtetasit A. M., dhe B. Sh., të cilët ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të aksidentit.
