Aksidentet rrugore janë duke u kthyer në tmerrin jo vetëm të kalimtarëve, por edhe të drejtuesve të mjeteve. Ditën e sotme një aksident i trefishtë ka tronditur Gramshin kur janë përplasur tre automjete: një zetor, një Mitsubishi dhe një motoçikletë. Ngjarja mësohet të ketë ndodhur në aksin rrugor Gramsh-Cërrik dhe nga aksidenti deri tani kanë mbetur të plagosur tre persona.
Sipas Ballkanweb dy nga të plagosurit janë në gjendje të rëndë për jetën dhe janë transportuar menjëherë drejt spitalit të Traumës në Tiranë. Ata janë Luzia Xhangoli, 43 vjeçe, nëna e drejtuesit të Mitsubishit dhe drejtuesi i motorit, Ylli Karaj, 43 vjeç.
E lënduar është një vajzë 10 vjeçare me inicialet A.M, e cila momentalisht ndodhet në spitalin e Gramshit.
Policia ende nuk ka zbuluar rrethanat në të cilat ka ndodhur aksidenti, megjithatë është duke punuar për zbardhjen e plotë.
Njoftohet se prej përplasjes së trefishtë, është bllokuar aksi rrugor Gramsh –Cërrik ku radha e automjeteve arrin në 2 km.
