Një aksident i rëndë rrugor është shënuar pasditen e sotme në aksin Fier–Lushnje, pranë zonës së njohur si “Pushimi i shoferit”.
Disa mjete u përplasën mes tyre duke pësuar dëme të konsiderueshme materiale. Mes mjeteve të aksidentuara ndodhej edhe një autobot që transportonte çimento, çka ka shtuar rrezikun dhe ka vështirësuar ndërhyrjen në vendngjarje.
Sipas informacioneve paraprake, dy persona kanë mbetur të plagosur si pasojë e përplasjes dhe janë transportuar me urgjencë në spitalin e Lushnjës për trajtim mjekësor.
Policia rrugore ka mbërritur menjëherë në vendin e ngjarjes dhe ka nisur hetimet për të zbardhur shkaqet e aksidentit.
