Një aksident i rëndë me pasojë vdekjen ka ndodhur në orët e para të mëngjesit të sotëm në Vlorë. Viktimë ka mbetur një 35-vjeçar, i cili ka humbur kontrollin e motomjetit të tij, dhe për pasojë ka dalë nga rruga, duke gjetur vdekjen e menjëhershme.
“Rreth orës 03:15, në fshatin Babicë e Madhe, shtetasi F. R., 35 vjeç, duke drejtuar motomjetin, dyshohet se ka humbur kontrollin mbi drejtimin e motomjetit, ku si pasojë është rrëzuar dhe ka humbur jetën në vendngjarje”, thuhet mes të tjerave në njoftimin e policisë së Vlorës.
Grupi hetimor vijon punën për zbardhjen e plotë të rrethanave të aksidentit.
