Një aksident i rëndë ka ndodhur në orët e para të mëngjesit në Tiranë. Një 25-vjeçare ka humbur jetën pasi është aksidentuar nga një automjet në Institutin Bujqesor. Ngjarja tragjike ka ndodhur rreth orës 07:15. Mësohet se drejtuesi i mjetit, shtetasi me iniciale E.B. është shoqëruar në komisariat për veprime të mëtejshme hetimore. 25-vjeçarja e aksidentuar, me iniciale A.A. u dërgua menëjëherë në spital, por nuk arriti të mbijetonte si pasojë e plagëve të rënda që kishte marrë.
Ndërkohë, grupi hetimor është duke vijuar punën për zbardhjen e rrethanave dhe shkaqeve të aksidentit.
NJOFTIMI I PLOTË I POLICISË SË SHTËTIT:
Më datë 08.02.2021, rreth orës 07:15, në Institutit, mjeti me drejtues shtetasin E. B, ka aksidentuar këmbësoren shtetasen A. A., 25 vjeçe, e cila si pasojë e plagëve të marra ndërroi jetë në spital.
Drejtuesi i mjetit u shoqërua në Komisariat për veprime të metejshme hetimore. Grupi hetimor vijon punën për zbardhjen e rrethanave të aksidentit.
Një tjetër aksident ndodhi ditën e djeshme në Laknas në kryeqytet, ku një makinë policie përplasi një mjet tjetër te kryqëzimi i Bërxullit. Si pasojë dy efektivë u plagosën, gjithashtu e plagosur mbeti pasagjerja e mjetiti tjetër. Fatmirësisht, personat e përfshirë në aksident ndodhen jashtë rrezikut për jetën.
