Një aksident shumë i rëndë ka ndodhur pasditen e sotme ku një 18- vjeçar ka përfunduar në koma.
Aksidenti ka ndodhur në rrugën Turizëm-Kanali Cukës në Sarandë ndërkohë që i riu ishte duke ecur me motoçikletë ka dalë nga rruga.
Mësohet se 18-vjeçari është Arbër Dyleshari, i cili pasi është transportuar drejt Spitalit të Sarandës, ka përfunduar edhe në gjendje kome për shkak të frakturave të shumta që kishte marrë në të gjithë trupin.
Të gjendur para kësaj situate, mjekët e spitalit kanë vendosur që ta transportojnë Dylesharin me helikopter drejt spitalit të Traumës në Tiranë, ku edhe do të marrë një trajtim më të specializuar. Nuk dihet cila është gjendja e tanishme e tij, megjithatë presim njoftimin plotë të policisë e cila mund të jap edhe detaje të reja për ngjarjen.
