Detaje të reja kanë dalë nga aksidenti i rëndë i ndodhur ditën e sotme tek kryqëzimi në Gjonçaj në Peqin, ku ka mbetur e vdekur një grua.
Kanë qenë dy automjete të përfshira në aksident dhe deri më tani raportohet për një të vdekur dhe katër persona të plagosur, të cilët janë në gjendje të rëndë shëndetësore.
Sipas policisë, persona e përfshirë në aksident ishin duke u kthyer nga një gëzim familjar dhe makina ku ishte duke udhëtuar viktima që ka humbur jetën dhe dy nga të plagosurit kanë bërë parakalim të gabuar.
Ndërkohë që në makinën tjetër që drejtohej ka mbetur i plagosur rëndë drejtuesi i mjetit Kamber Beqiri dhe një person tjetër i cili ishte duke e shoqëruar, i cili ka marrë dëmtime më të lehta.
Aktualisht në gjendje të rëndë janë bashkëshorti i gruas që humbi jetën, Ismail Hoxhallari, Gëzim Braho nga Korça dhe Kamber Beqiri, të cilët janë dërguar me urgjencë në spital, ku edhe janë duke marrë trajtimin e duhur nga mjekët edhe pse gjendja paraqitet delikate.
Një fakt që i ka ndihmuar të aksidentuarit ka qenë pozicioni gjeografik, pasi urgjencës i janë përgjigjiur tre ambulanca të ardhura nga Peqini, Rrogozhina dhe Elbasani.
