Një aksident tragjik ka ndodhur mëngjesin e sotëm pranë mbikalimit të Paskuqanit, në Unazën e Madhe të Tiranës, ku një grua humbi jetën dhe një tjetër u plagos.
Sipas Policisë së Tiranës, rreth orës 09:35, shtetasi R. Q., 35 vjeç, ka përplasur dy kalimtare, shtetaset L. S., 72 vjeçe, dhe H. M., 66 vjeçe, të cilat dyshohet se po kalonin trafikndarësen në momentin e aksidentit.
Si pasojë e përplasjes, L. S. ka humbur jetën, ndërsa H. M. ka mbetur e plagosur dhe ndodhet nën kujdesin e mjekëve. Drejtuesi i automjetit është shoqëruar në polici për veprime të mëtejshme procedurale, ndërsa forcat e policisë dhe grupi hetimor janë në vendngjarje për zbardhjen e rrethanave të aksidentit.
Materialet janë dërguar në Prokurorinë e Tiranës për hetime të mëtejshme.
