Një aksident i rëndë ka ndodhur mbrëmjen e sotme rreth orës 20:00 në qytetin e Lushnjes ku një makinë tip “Benz” ka përplasur dy këmbësorë të cilët kanë qenë duke kaluar në vijat e bardha.
Bëhet me dije se të plagosur kanë mbetur çifti i bashkëshortëve Taulant Arapi dhe Denisa Suku, respektivisht 34 dhe 22 vjeç. Ata janë dërguar me urgjencë në spitalin e Lushnjes ku janë shtruar në reanimacion në gjendje të rëndë shëndetësore.
Mësohet se ngjarja ka ndodhur në një zonë të qytetit ku ka lëvizje të shumta, ndërsa ende nuk është bërë me dije cili ka qenë shkaku i aksidentit. Sipas dëhmitarëve të rastit, dy të rinjtë kanë qenë duke kaluar në vijat e bardha dhe kanë qenë duke përdorur celularin në momentin që ngjarja ka ndiodhur, arsye kjo pse nuk e kanë vënë re makinën që i ka përplasur nga krahu i majtë.
Në vendngjarje kanë mbërritur menjëherë policia dhe grupi hetimor të cilët kanë nisur nga puna për të zbardhur shkaqet që kanë çuar në aksidentin e rëndë. Gjithashtu bëhet është bërë me dije se është shoqëruar në komisriat drejtuesi i mjetit tip “Benz”, 26-vjeçari me iniciale R.Ç. Ende nuk ka një njoftim zyrtar nga policia për ngjarjen.
